فوزي البنزرتي : خبر مغادرتي من النادي الصفاقسي غير صحيح

🔲محمد علي الجويني يصرح 

▪️البارح ماغادرناش الحصة التمرينية كيما تقال، قبل الحصة حكينا مع بعضنا و حتى سي فوزي تحدث معانا و بحكم الحصة repise بعد ستاج و نهارين راحة، تمرنا فقط physique قرابة 30 دقيقة...

▪️اليوم الحصة التمرينية كانت تحت إشراف سي عماد بن يونس و أنيس بوجلبان و كان إجتمع بينا رئيس الفرع معز المستيري حول المستحقات و غدوة كل شيء باش يكون مريقل...

▪️النقطة الإيجابية في تصريح الجويني، كيف سؤلو منشط الحصة حول المستحقات و عدد الإشهر إلي موش خالصة، جاوبو الجويني و قالو هاذي cuisine interne خويا و بينا بين جمعيتنا و إجتمع بينا الرئيس في تربص المستير و نعذروه و هذي أزمة في العالم الكل و يد وحدة ما تصفقش و أحنا لحمة و ندعوو رجال الأعمال و الناس للكل باش تاقف مع النادي في هذه الظروف الصعبة...

▪️أخر كلمة للجويني قال نطمن جماهير النادي و رابطة الأبطال طموحنا و ربي معانا...