فما مجموعة كبيرة من جمهورنا العزيز جماعة "ميحي مع الأرياح" ، كي جانا فوزي قالوا أحسن إنتداب و هو الي باش يكبس و يبدل في العقلية و يصبر معانا و يحضر إكيب لا CL، وتو كي خرج و ما نجمش يواصل في مثل هذه الظروف (الحومانية )ولا يتقال من نفس هذه الفئة الي يحب على جمعية حاضرة و إنتدابات و ما يعملش على الشبان ... ليتوال 2006 فوزي يراني فيها حضّر جمعية 80% شبان طلعهم هو ،و بعدو جا مارشان لقا جمعية حاضرة هز بيها CL في 2007 ، الترجي 2010 فوزي يراني فيها حضّر جمعية لعبت فينال CL و هزت بطولة ، بعدو بعام نبيل معلول يهز البطولة و الكأس و CL بنفس ليكيب الي حضرها فوزي ... ملخص الهدرة فوزي كي تحطوا يخدم في جمعية ظروفها باهية و منظمة يجيبلك نتائج كان موش على المدى القصير تلقاهم على المدى المتوسط و يحضرلك جمعية و يطلعلك الشبان و يعطيهم فرصتهم ، أما سيدي خويا كيف تحطوا في الوضعية هاذي لا ملاعبية خالصة و لا هو خالص و لا الناس الي تخدم معاه خالصة كيفاه تحبوا يخدم و يعطي و تكون عندو الرغبة باش يضحي و يصبر ... تي هو أحنا الي ولاد جمعية من محبين و فنيين خدموا و ما صبرناش على الفاشل و تشلكنا معاه، هو نعطيوه الحق في حاجة واحدة و ديجا قالها " ما كنتش نتصور الوضع كي هكا ، و بعد 44 سنة كاريار في التدريب مانيش مستعد باش نتشلّك " .
تعليقات
إرسال تعليق